વિશ્વને રોશન કરી ગઈ દીપિકા ગુજરાતની

વિશ્વને રોશન કરી ગઈ દીપિકા ગુજરાતની 
સૂર્ય પણ જોતો રહ્યો જ્યોતિ કલા ગુજરાતની 
ડાંગ માર્યાથી કદી પાણી જુદાં થાતાં નથી 
દુશ્મનોએ જોઈ છે ક્યાં એકતા ગુજરાતની 
મુક્તિ કેરા ગાલ પર લાલી અમસ્તી ના ગણો રંગ લાવી છે 
શહીદી ભાવના ગુજરાતની ભાગ્ય પર પુરુષાર્થની મારી છે 
લોખંડી મહોર ભૂલશે ઈતિહાસ ના ગૌરવ કથા ગુજરાતની 
ચંદ્ર ને સૂરજ કહે છે રાત દિ’ ‘જય સોમનાથ’ 
કાળના હૈયે જડી છે અસ્મિતા ગુજરાતની 
માતા કેરા ચીર સાથે ખેલનારા સાવધાન 
ક્યાંક મહાભારત ન સર્જે ઉરવ્યથા ગુજરાતની 
શૂન્ય, મારી જિંદગીને તો જ લેખું ધન્ય હું 
મૃત્યુ ટાણે પણ મળે જો ગોદ મા ગુજરાતની 

-‘શૂન્ય’ પાલનપુરી ।

---------------------------------------------------------------

** ગુર્જરી ગિરા ** 
જે જન્મતાં આશિષ હેમચન્દ્રની પામી, 
વિરાગી જિનસાધુઓએ જેના હિંચોળ્યા મમતાથી પારણા, 
રસપ્રભા ભાલણથી લહી જે નાચી 
અભંગે નરસિહ-મીરા- અખા તણે નાદ ચડી 
ઉમંગે આયુષ્મતી લાડલી 
પ્રેમભટ્ટની દ્રઢાય ગોવર્ધનથી બની જે, 
અર્ચેલ કાન્તે, દલપત પુત્રે તે ગુર્જરી 
ધન્ય બનીં ઋતંભરા ગાંધીમુખે વિશ્વમાંગલ્યધાત્રી 

– ઉમાશંકર જોષી (૧૯૧૧ – ૧૯૮૮) 
॥ ગરવી-ગુજરાત ।।