જય જય ગરવી ગુજરાત

 જય જય જય ગરવી ગુજરાત 

જય સોમનાથ, જય દ્વારકેશ, જય બોલો વિશ્વના તાતની

 સ્વર્ણ અક્ષરે લખશે કવિઓ યશગાથા ગુજરાતની,,,..

આ ગુણવંતી ગુજરાતની, જય જય ગરવી ગુજરાતની… 

ભક્ત સુદામા અને કૃષ્ણના મિત્રભાવ ભુલાય નહિં 

વૈષ્ણવજન તો તેને કહીએ નરસૈયો વિસરાય નહિં 

જય દત્ત દિગંબર ગિરનારી, જય બોલોકાળીકામાતની 

સ્વર્ણ અક્ષરે લખશે કવિઓ  યશગાથા ગુજરાતની, 

અમર ભક્ત વીરોની ભૂમિ જેના ગુણ ગાતુ સંસાર 

રાજાઓના તાજ મુકાવ્યા ધન્ય વીર વલ્લભ સરદાર 

જય દયાનંદ જય પ્રેમાનંદ જય બોલો બહુચરામાતની 

સ્વર્ણ અક્ષરે લખશે કવિઓ … યશગાથા ગુજરાતની,

દલપત નાન્હાલાલ દયાના મધુર કાવ્ય ભુલાય નહિ 

મેઘાણીની શોર્ય કથાઓ અંતરથી વિસરાય નહિ 

અમર કાવ્ય નર્મદના ગુંજે જય જય અંબે માતની 

સ્વર્ણ અક્ષરે લખશે કવિઓ …યશગાથા ગુજરાતની,

 મળ્યા તેલ ભંડાર દ્રવ્યના, ભિષ્મપિતાની બલિહારી 

ધન્ય ધન્ય ગુજરાતની ભૂમિ, થયા અહીં બહુ અવતારી 

જય સાબરમતી, જય મહિ ગોમતી સરસ્વતી, 

જય બોલો નર્મદામાતની 

સ્વર્ણ અક્ષરે લખશે કવિઓ યશગાથા ગુજરાતની,

 હિંદુ મુસ્લિમ વોરા પારસી હળીમળી સૌ કાર્ય કરે 

સૃષ્ટિને ખૂણે ખૂણે ગુજરાતી જન વ્યાપાર કરે 

જય સહજાનંદ જય જલારામ જય મહાવીર દાતારની 

સ્વર્ણ અક્ષરે લખશે કવિઓ … યશગાથા ગુજરાતની,

અમર ભક્ત બોડાણો કલાપી મહાદેવ દેસાઇ 

દાદાતૈયબજી કસ્તુરબા પટેલ વિઠ્ઠલભાઇ 

આજ અંજલી અમર શહીદોને અર્પો ગુજરાતની 

સ્વર્ણ અક્ષરે લખશે કવિઓ … 

શ્રમ પર શ્રમ કરનારા માનવની આ ધરતી ન્યારી 

સત્ય શાંતિ અને અહિંસાના મંત્રોદેનારી 

શ્રમ સેવાની કરો પ્રતિગ્ના ઉગી ઉષા વિરાટની

સ્વર્ણ અક્ષરે લખશે કવિઓ  યશગાથા ગુજરાતની,

----------------------------------------------------------

જય જય ગરવી ગુજરાત ! 

જય જય ગરવી ગુજરાત , 

ધ્વજ પ્રકાશશે ઝળળળળ કસુંબી , પ્રેમ શૌર્ય અંકીત : 

તું ભણવ ભણવ નિજ સંતતિ સઉં ને , પ્રેમ ભક્તિ ની રીત - 

ઊચી તુજ સુંદર જાત , જય જય ગરવી ગુજરાત 

ઉતર મા અંબા માતા પૂર્વ મા કાળી માતા છે 

દક્ષિણ દિશા મા કરંત રક્ષા , 

કુંતેશ્વર મહાદેવ ને સોમનાથ ને દ્વારકેશ એ પશ્વિમ કેરા દેવ છે 

સહાય માં સાક્ષાત જય જય ગરવી ગુજરાત 

નદી તાપી નર્મદા જોય મહી ને બીજી પણ જોય 

વળી જોય સુભટ ના જુદ્ધ રમણ ને રત્નાકર સાગર 

પર્વત પર થી વીર પૂર્વજો દે આશિષ જય કર સંપે સોયે સઉ જાત 

જય જય ગરવી ગુજરાત 

તે અણહિલવાડ ના રંગ તે સિદ્ધરાજ જયસિંગ 

તે રંગ થકી પણ અધિક , સરસ રંગ થસે સત્વરે માત ! 

શુભ શકુન દીંસે મધ્યાહન શોભશે , 

વીતી ગઇ છે રાત - 

જન ધૂમે નર્મદા સાથ , 

જય જય ગરવી ગુજરાત 

જય જય ગરવી ગુજરાત 

-'' કવિ નર્મદ ''

 ॥ ગરવી-ગુજરાત ।।